Rannsóknir og þróun, nýsköpun, tölfræði vísinda

Þriðjudaginn 19. október mun Rannís standa fyrir kynningu á áætlun Evrópusambandsins - Rannsóknir í þágu lítilla og meðalstórra fyrirtækja. Áætlunin gengur út á að auka samstarf milli atvinnulífs og rannsóknastofnana óháð rannsóknasviði. Kynningin fer fram á Grand hótel Reykjavík milli kl. 9.00 og 11.30.

Mánudaginn 4. október kl. 8:30-10:30 stendur Rannís fyrir kynningarfundi fyrir þá sem hafa áhuga á að kynna sér upplýsingatækniáætlun 7. rannsóknaáætlunarinnar. Morten Möller frá framkvæmdastjórn ESB kynnir áætlunina og þjónusta Rannís verður einnig kynnt. Fundurinn verður á Grand Hótel Reykjavík og er morgunmatur í boði fyrir gesti.

Vísindavaka Rannís 2010 var haldin föstudaginn 24. september sl. og komu 4200 gestir á vökuna. Gestir Vísindavöku fengu tækifæri til að hitta vísindamenn og fræðifólk úr öllum fræðigreinum frá háskólum, rannsóknastofnunum og fyrirtækjum, sem sögðu frá rannsóknum sínum og viðfangsefnum á skemmtilegan og lifandi hátt. Rannís þakkar sýnendum fyrir þeirra framlag og gestum fyrir komuna. Sjáumst á Vísindavöku 2011!

Vísindavaka Rannís er haldin föstudaginn 24. september kl. 17-22 á Degi evrópska vísindamannsins. Vísindavaka er haldin í flestum borgum Evrópu á sama tíma og markmiðið er að færa vísindin nær almenningi og gefa fólki kost á að spjalla við fræðimenn um rannsóknir þeirra og viðfangsefni. Um 70 sýningarbásar eru á Vísindavöku 2010, lifandi vísindamiðlun verður á sviði, auk þess sem vísindasmiðja verður fyrir börn. Sprengjugengið mætír á svæðið, boðið verður í stjörnuskoðun, Vísindavefurinn spurður út úr og súkkulaði sent um internetið. Vísindavaka Rannís er fyrir alla fjölskylduna! Dagskráin og listi sýnenda hér.